काठमाडौं । उद्योग, वाणिज्य तथा उपभोक्ता हित संरक्षण निर्देशनालय, हेटौंडा मकवानपुरका अधिकृत घुस रकम सहित पक्राउ परेका छन् ।
आठौं तहका अधिकृत चन्दनकुमार अमात्यलाई अख्तियार दुरुपयोग अनुसन्धान आयोग, हेटौंडाबाट खटिएको टोलीले आइतबार ५० हजार रुपैयाँ घुस रकम सहित रंगेहात नियन्त्रणमा लिएको हो ।
अमात्यले आईईई प्रतिवेदन स्वीकृतिका नाममा सेवाग्राहीसँग लिएको घुस रकमसहित कार्यालय परिसरबाटै नियन्त्रणमा लिएको अख्तियाका प्रवक्ता प्रदीपकुमार कोइरालाले जानकारी दिए ।