राष्ट्र बैंकले दुई महिनाका लागि निक्षेप संकलन उपकरणमार्फत उक्त रकम उठाउन लागेको हो। यसका लागि आज दिउँसो ३ बजे बोलकबोल हुने गरी सूचना जारी गरिएको छ।
राष्ट्र बैंकका अनुसार निक्षेप दिन इच्छुक ‘क’, ‘ख’ र ‘ग’ वर्गका बैंक तथा वित्तीय संस्थाले बोलकबोलमा सहभागी हुन सक्नेछन्। बोलकबोल ब्याजदरमा आधारित हुनेछ।
बैंक तथा वित्तीय संस्थाले न्यूनतम १० करोड रुपैयाँ र त्यसपछि पाँच करोड रुपैयाँले भाग जाने गरी कुल आह्वान रकमको सीमाभित्र रहेर बोलकबोल गर्न सक्नेछन्।
दुई महिनाका लागि जारी हुने यस निक्षेप संकलन उपकरणको साँवा तथा ब्याज भुक्तानी आगामी मंसिर २३ गते गरिने राष्ट्र बैंकले जनाएको छ।
बैंकिङ प्रणालीमा रहेको अतिरिक्त तरलता व्यवस्थापन गर्न राष्ट्र बैंकले निक्षेप संकलन उपकरण प्रयोग गर्दै आएको छ। यसमार्फत बैंक तथा वित्तीय संस्थाबाट निश्चित अवधिका लागि रकम संकलन गरी बजारमा उपलब्ध अधिक तरलता व्यवस्थापन गर्ने गरिन्छ।
