काठमाडौं । युवा, श्रम तथा रोजगारमन्त्री रामजी यादवले कोशी प्रदेशका उद्योगी तथा औद्योगिक संगठनका प्रतिनिधिहरूसँग भेट गरी आन्तरिक रोजगारी प्रवर्द्धनका विषयमा छलफल गरेका छन्।
भेटका क्रममा इटहरीमा सञ्चालन भइरहेको कोशी प्रदेशस्तरीय सीप तथा रोजगार मेला, २०८३ को समीक्षा गरिएको थियो। साथै कार्यस्थलमा आधारित तालिम, अन्य सीपमूलक तालिम तथा रोजगारीसम्बन्धी कार्यक्रमलाई थप प्रभावकारी बनाउने विषयमा छलफल भएको थियो।
मन्त्री यादव र निजी क्षेत्रका प्रतिनिधिबीच सीपयुक्त जनशक्ति उत्पादन तथा रोजगारी सिर्जनाका लागि सरकार र निजी क्षेत्रबीच सहकार्यलाई थप प्रभावकारी बनाउने विषयमा समेत छलफल भएको जनाइएको छ।
