काठमाडाैँ । पृथ्वी राजमार्गअन्तर्गत कृष्णभीरमा खसेको पहिरो पन्छाउने कार्य अगाडि बढाइएको छ। सडक सञ्चालनलाई प्राथमिकतामा राख्दै पहिरो हटाउने काम तीव्र गतिमा अघि बढाइएको हो।
पहिरोको दुवै छेउबाट १८ जना जनशक्ति परिचालन गरी रुख कटानको काम भइरहेको छ। रुख कटानसँगै पहिरो पन्छाउन आवश्यक निर्माण उपकरणहरू पनि दुवै छेउमा तयारी अवस्थामा राखिएका छन्।
रुख कटानको काम सम्पन्न हुनासाथ निर्माण उपकरण परिचालन गरी पहिरो पन्छाउने कार्य सुरु गरिने जनाइएको छ। सडकलाई यथाशीघ्र सञ्चालनमा ल्याउने उद्देश्यले आवश्यक जनशक्ति तथा उपकरण परिचालन गरी काम भइरहेको छ।
