काठमाडाैँ । राष्ट्रियसभाको आज बसेको बैठकले नेपाल विशेष सेवा ऐन, २०४२ को साविकको व्यवस्था जगाउनेसम्बन्धी विधेयक, २०८३ लाई दफावार छलफलका लागि विधायन व्यवस्थापन समितिमा पठाउने प्रस्ताव सर्वसम्मतिले स्वीकृत गरेको छ।
प्रतिनिधिसभाबाट सन्देशसहित प्राप्त उक्त विधेयकलाई राष्ट्रियसभाका अध्यक्ष नारायणप्रसाद दाहालले निर्णयार्थ प्रस्तुत गर्नुभएको थियो। बैठकले विधेयकलाई दफावार छलफलका लागि समितिमा पठाउने प्रस्ताव सर्वसम्मतिले पारित गरेको हो।
प्रधानमन्त्री वालेन्द्र शाहका तर्फबाट कानुन, न्याय तथा संसदीय मामिलामन्त्री सोविता गौतमले उक्त प्रस्ताव बैठकमा प्रस्तुत गर्नुभएको थियो।
राष्ट्रियसभाको अर्को बैठक आगामी भदौ १६ गते दिउँसो १ः१५ बजे बस्नेछ।
