काठमाडौं । परराष्ट्र मन्त्रालयका सहसचिव पुष्पराज भट्टराईलाई राहदानी ऐन अन्तर्गतको कसुरमा प्रहरीले पक्राउ गरेको छ।
प्रहरीको केन्द्रीय अनुसन्धान ब्यूरो (सीआईबी) ले सोमबार काठमाडौंको कागेश्वरी मनहरा नगरपालिका क्षेत्रबाट उनलाई नियन्त्रणमा लिएको हो। सीआईबीका अनुसार भट्टराईमाथि राहदानी ऐन उल्लंघन गरेको आरोपमा अनुसन्धान भइरहेको छ।
प्रहरीका अनुसार वि.सं. २०६८ सालमा भएको कसुरका सम्बन्धमा उनीविरुद्ध २०८२ चैतमा मुद्दा दर्ता गरिएको थियो। सोही मुद्दाका आधारमा उनलाई पक्राउ गरिएको हो।
पक्राउ परेका भट्टराईलाई आवश्यक कानुनी प्रक्रिया पूरा गरी अदालतमा उपस्थित गराउने तयारी भइरहेको प्रहरीले जनाएको छ। घटनाबारे थप अनुसन्धान जारी रहेको सीआईबीले जनाएको छ।
