काठमाडौं । अर्थ मन्त्रालयले नेपाल स्टक एक्सचेन्ज (नेप्से) को प्रमुख कार्यकारी अधिकृत (सीईओ) पदमा खुला प्रतिस्पर्धाबाट पदपूर्ति गर्न आवेदन आह्वान गरेको छ।
मन्त्रालयले गठन गरेको प्रमुख कार्यकारी अधिकृत सिफारिस समितिले आजको गोरखापत्र दैनिकमा सूचना प्रकाशित गर्दै योग्य उम्मेदवारबाट आवेदन माग गरेको हो।
सूचनाअनुसार इच्छुक तथा योग्य उम्मेदवारले आवेदन दिनका लागि १५ दिनको समय पाएका छन्। तोकिएको अवधिभित्र आवश्यक कागजातसहित आवेदन पेस गर्न समितिले आग्रह गरेको छ।
सीईओ पदका लागि आवश्यक योग्यता, अनुभव, आवेदन प्रक्रिया तथा अन्य विस्तृत विवरण गोरखापत्रमा प्रकाशित सूचनामा उल्लेख गरिएको छ। इच्छुक उम्मेदवारले सूचनामा उल्लिखित मापदण्ड पूरा गरी तोकिएको समयभित्र आवेदन दिन सक्नेछन्।
