काठमाडौं । नेपाल लघुवित्त बैंकर्स संघको नयाँ नेतृत्वमा बसन्त राज लम्साल निर्विरोध चयन भएका छन् । अर्का आशंक्षी लक्ष्मी लघुवित्तका प्रमुख कार्यकारी अधिकृत प्रकाशराज शर्मले उम्मेद्वारी फीर्ता लिएपछि लम्साल निर्विरोध निर्वाचित भएका हुन् ।
लम्साल विजय लघुवित्तका प्रमुख कार्यकारी अधिकृत तथा संघको अघिल्लो कार्यसमितिका महासचिव हुन । निर्वतनमा अध्यक्ष रामचन्द्र जोशी नेतृत्वको २ वर्षे कार्यकाल सकिएसँगै संघले आइतबार नयाँ कार्यसमिति चयन गरेको हो ।
संघको उपाध्यक्षमा फस्र्ट माइक्रोफाइनान्सका भेषराज पन्थी निवार्चित भएका छन् भने संघको सचिवमा वोमी लघुवित्तका प्रमेश आचार्य निविरोध निर्वाचित भएका छन् ।
संघको महासचिव, कोषध्यक्ष र सदस्यमा निर्विरोधको पहल भएपनि सहमति हुन नसकेपछि चुनाव हुने भएको छ ।
महासचिवमा नेशनल माइक्रोफाइनान्सको सिइओ राम बहादुर यादव र डेप्रोक्सका अमराज खड्का बीच प्रतिस्पर्धा हुँदैछ भने कोषध्यक्ष्मा मेरो माइक्रोफाइनान्सका रामहरी दाहाल र उन्नतीका प्रेम पाठक बीच प्रतिस्पर्धा हुने भएको हो ।
