काठमाडौं । सरकारले धेरै बच्चा जन्माउने आमालाई पुरस्कृत गर्ने गरेको छ। काजकितास्तानले धेरै बच्चा जन्माउने आमालाई ‘हिरो मम्स’को नामबाट सम्मान गरी पदक प्रदान गरिरहेको छ।
७ जना वा सो भन्दा बढी बच्चा जन्माउने आमालाई स्वर्ण पदकबाट सम्मान गरिने चलन छ। साथै ६ जना बच्चा जन्माएमा रजत पदकबाट सम्मानित गरिन्छ। पदक पाउने आमालाई आफ्नो बच्चाको रेखदेखका लागि जीवनभर सरकारले भत्ता समेत प्रदान गर्ने व्यवस्था मिलाएको छ।
पदक नपाउने तर ४ जनासम्म बच्चा जन्माउनेलाई भने बच्चाको उमेर २१ वर्ष नभएसम्म आर्थिक सहयोग प्रदान हुने गरेको बिबिसीले उल्लेख गरेको छ। काजकिस्तानमा यस्तो व्यवस्था सोभियत संघ हुँदा देखि नै चलिआएको हो। सन् १९४४ देखि ‘आमा हिरोइन’ नामबाट सम्मान प्रदान गरी पुरस्कृत गर्ने चलन सुरु भएको हो।
त्यतिबेला एक परिवारमा १० जना वा सो भन्दा बढी बच्चा जन्माउनेलाई पुरस्कृत गरिन्थ्यो। अहिले बच्चाको संख्या कम भए पनि जन्मदर बढी राख्नु काजकिस्तान सरकारको प्राथमिकता छ।
