काठमाडौं । नेकपा (एमाले) पुनर्गठनसम्बन्धी सुझाव सङ्कलन गर्न तथा आमनिर्वाचनको समीक्षा गर्न गठन गरिएको कार्यदलको बैठक सुरु भएको छ ।
उपाध्यक्ष रामबहादुर थापा ‘बादल’को नेतृत्वमा रहेको १५ सदस्यीय कार्यदलको बैठक मंगलबार पार्टी कार्यालय च्यासलमा बसेको हो ।
गत जेठ १० गतेको सचिवालय बैठकले कार्यदल गठन गर्ने निर्णय गरेको थियो । उक्त कार्यदललाई एक महिनाभित्र प्रतिवेदन बुझाउन जिम्मेवारी दिइएको छ । गठन भएको १५ दिनपछि कार्यदलको पहिलो बैठक बसेको हो ।
कार्यदलले पार्टी पुनर्गठनबारे तल्लो तहबाट आएका सुझावहरू संकलन गरी सचिवालयमा प्रतिवेदन पेश गर्नेछ । एमालेभित्र पछिल्लो समय पार्टी पुनर्गठनको माग उठ्दै आएको छ ।
