काठमाडौं: प्रधानमन्त्री बालेन्द्र शाहको नेतृत्वमा गठन भएको वर्तमान सरकारले नदी किनारामा रहेका अनधिकृत घरबास सबै डोजर लगाएर भत्काउने अभियान थालेको थियो । यो अभियान देशभर नै अझै जारी छ ।
देशका विभिन्न भागमा केन्द्र र स्थानीय सरकारले सडक, नदीका आसपासमा बनेका अनधिकृत संरचना हटाउने क्रम जारी राखेका छन् । सरकारको यस कार्यबाट धेरै मानिस विस्थापित भएका छन् ।
गृह मन्त्रालयको नेतृत्व आफूले लिएसँगै प्रधानमन्त्री बालेनले अनधिकृत संरचना हटाउने कार्यको शुभारम्भ काठमाडौंको थापाथलीबाट सुरु गरेका थिए । बाग्मती नदी किनाराका थापाथली र बल्खुका साथै धोबीखोला, मनोहरा, विष्णुमती समेतका नदी किनारामा डोजर चलाइएको छ ।
अहिले नदी किनारामा रहेका ठूलो संख्याका घरटहरा हटिसकेका छन् र सयौं मानिस होल्डिघ सेन्टरमा बस्न बाध्य छन् । उनीहरु सरकारले स्थायी बसोबासको व्यवस्थाका लागि व्यग्र पर्खाईमा छन् ।
यहाँ प्रस्तुत गरिएका तस्बिरहरु अहिले उजाड बनेको बाग्मती किनारको हो ।
तस्बीर: जोनास सेल (अमेरिकी प्रशिक्षार्थी फोटोग्राफर)
