काठमाडौँ: जिल्ला प्रशासन कार्यालय काठमाडौँले नदी किनारका अनधिकृत, जोखिमपूर्ण बस्तीहरू तत्काल खाली गर्न सूचना जारी गरेको छ।जिल्ला प्रशासन काठमाडौँले आज एक सूचना जारी गर्दे वैशाख १८ गते बिहान ७ बजे भित्र घरटहरा खाली गर्न निर्देशन दिएको हो।
बुधबार जारी सूचनामा काठमाडौँ जिल्ला प्रशासनले भनेको छ, ‘काठमाडौँ जिल्ला भित्रका विभिन्न पालिकाहरूका नदी किनाराका वस्ती एवम् सरकारी, पर्ति, सार्वजनिक वा व्यक्तिको निजी स्वामित्वमा जग्गा समेत अतिक्रमण गरी अनाधिकृत तबरबाट वर्षौंदेखि बसोबास भै आएका वस्तीहरू मानवीय रुपमा उद्धार गर्न एवम् विपदको जोखिम समेत मध्यनजर गरी खाली गर्ने कार्य काठमाडौँ जिल्ला भरी मिति २०८३ वैशाख १८ गते विहान ७:०० बजेदेखि एकै पटक विभिन्न स्थानहरुबाट सुरु हुनेछ।’
प्रशासनले २०८३ वैशाख १७ गते साँझसम्म पूर्ण रुपमा घर टहरा खाली गर्न भनेको छ।
