काठमाडौं । नेपालका लागि रुसका कार्यवाहक राजदूत रिनचेन रक्षायेभले नेपाली नयाँ वर्ष २०८३ को अवसर पारेर एक विशेष भेटघाट कार्यक्रम आयोजना गर्नुभएको छ ।
आज साँझ नेपाली मिडियाका केही सम्पादकहरुलाई संक्षिप्त सम्बोधन कार्यवाहक राजदूत रिनचेनले आफूहरुले आवश्यक सूचना तथा जानकारी प्राप्त गर्न तथा रुसी दूताबासका तर्फबाट आफ्ना जानकारीहरु स्पष्ट पार्न नेपाली मिडियाका प्रतिनिधिहरूसँग व्यावसायिक सम्पर्क कायम राख्ने पनि बताउनुभयो ।
सो सम्बोधनमा उहाँले भन्नुभयो “हामी विश्वस्त छौँ कि इमान्दार र सम्मानजनक सूचना आदानप्रदानले रुसी महासंघ र नेपालबीचको सम्बन्ध, विश्वास, पारस्परिक समझदारी र मित्रतालाई सुदृढ पार्न योगदान पुर्याउनेछ ।”
कार्यक्रम मार्फत रूस–नेपालबीचको परम्परागत मैत्री सम्बन्धलाई थप सुदृढ बनाउने उद्देश्य राखिएको दूतावासले जनाएको छ। साथै, कार्यक्रममा सहभागीहरूबीच अनौपचारिक रूपमा विचार आदान–प्रदान गर्दै हाल भइरहेको सहकार्यबारे जानकारी लिने र भविष्यका सम्भावित सहकार्यका क्षेत्रहरूबारे छलफल गर्ने जनाईएको छ ।
दूतावासका अनुसार, यस्तो प्रकारको भेटघाटले दुई देशबीचको आपसी समझदारी र सहकार्यलाई अझ मजबुत बनाउने अपेक्षा गरिएको छ।
