काठमाडौं । नेकपा (एमाले) का वरिष्ठ नेता ईश्वर पोखरेलले वर्तमान सरकारप्रति कडा असन्तुष्टि व्यक्त गरेका छन्।
उनले सामाजिक सञ्जालमार्फत प्रतिक्रिया जनाउँदै बालेन्द्र शाह नेतृत्वको नवगठित सरकारले प्रतिशोधपूर्ण व्यवहार देखाउन थालेको आरोप लगाएका हुन्।
पोखरेलले सरकार गठन भएलगत्तै बदलाको भावनाबाट प्रेरित गतिविधि सुरु भएको दाबी गर्दै यस्तो कार्यलाई निन्दनीय भएको उल्लेख गरेका छन्। उनले यस प्रकारको सरकारी व्यवहारको सशक्त प्रतिवाद र प्रतिरोध आवश्यक रहेको बताएका छन्।
उनका अनुसार वर्तमान अवस्थाले कानूनी तथा राजनीतिक दुवै दृष्टिकोणबाट चुनौती उत्पन्न गरेको छ।
उनले सबै पक्षलाई एकजुट भई प्रतिशोधपूर्ण गतिविधिविरुद्ध तत्काल आवश्यक कदम चाल्न आह्वान गरेका छन्।
