विराटनगर । सुनसरी १ बाट श्रम संस्कृति पार्टीका अध्यक्ष हर्क साम्पाङ विजयी हुनु भएको छ ।
साम्पाङले ३५ हजार ७४१ मत प्राप्त गर्नुभयो भने उनका निकटतम प्रतिस्पर्धी रास्वपाकी गोमा तामाङले २७ हजार २४९ मत प्राप्त गर्नुभयो । एमालेका उम्मेदवार टिका मांगलेनले ६ हजार ३३१ मत ,नेपाली कम्युनिस्ट पार्टीका उम्मेदवार सूर्य भट्टराईले ६ हजार २५८ मत प्राप्त गर्नुभयो ।
यस क्षेत्रमा विभिन्न १९ दल र सात स्वतन्त्र गरी २६ जना उम्मेदवार चुनावी प्रतिस्पर्धामा हुनुहुन्थ्यो । धरान उपमहानगरपालिका, बराहक्षेत्र, राधुनी गरी २७ वटा वडा समेटिएको यस निर्वाचन क्षेत्रमा एक लाख ५० हजार ३९३ मतदाता रहेकामा ८७ हजार ८६५ मत खसेको थियो ।
