काठमाडौँ । इन्धनको बढ्दो मूल्य, वातावरणीय चिन्ता र सरकारी नीतिगत सहुलियतका कारण नेपालमा बिद्युतिय सवारी साधनप्रति आकर्षण तीव्र रूपमा बढ्दै गएको छ ।

यही क्रमलाई थप मजबुत बनाउँदै काठमाडौँको बालाजुको गोरखा प्यालेसमा ‘याडिया’ (Yadea) ब्रान्डको बिद्युतिय सवारी साधन शोरूम सञ्चालनमा आएको छ । नयाँ शोरूम सञ्चालनसँगै ग्राहकले अत्याधुनिक प्रविधिमा आधारित बिद्युतिय दुईपांग्रे सवारी साधन एउटै स्थानबाट अवलोकन, परीक्षण र खरिद गर्न सक्ने सुविधा पाउनेछन् ।

याडिया शोरूम संञ्चालक अनिर मास्केका अनुसार बिद्युतिय सवारी साधन वातावरणमैत्री, कम सञ्चालन खर्चिलो र दीर्घकालीन रूपमा किफायती भएकाले नेपाली उपभोक्ताको रोजाइमा पर्दै गएको छ । बालाजुमा शोरूम सञ्चालनले राजधानीका साथै आसपासका क्षेत्रका ग्राहकलाई सहज सेवा उपलब्ध गराउने मास्केले जानकारी दिनुभयो ।

शोरूमको शुभारम्मका अवसरमा एक हप्तासम्म ग्राहकहरूका लागि अतिरिक्त रु. १०,००० छुटको विशेष अफर घोषणा गरिएको संञ्चालक सुप्रिया मास्केले जानकारी दिनुभयो ।

बिद्युतिय सवारी साधनको प्रयोगले कार्बन उत्सर्जन न्यूनीकरणमा सहयोग पुग्ने र दिगो यातायात प्रणाली विकासमा योगदान दिने अपेक्षा गरिएको छ ।

याडियाले लगातार ९ वर्षसम्म विश्वव्यापी बिक्री संख्यामा नम्बर–१ स्थान कायम गर्दै आएको छ।