काठमाडौं । नेकपा एमालेको ११औं महाधिवेशनमा यसपटक पनि विद्युतीय माध्यमबाट नै मतदान हुने भएको छ।
पार्टीले १०औं महाधिवेशनमा पहिलोपटक प्रयोग गरेको विद्युतीय मतदान प्रणालीलाई निरन्तरता दिने निर्णय गरेको हो।
नेतृ सुनिता बरालका अनुसार निर्वाचन टोलीले आवश्यक भोटिङ मेसिन व्यवस्थापन तथा प्रतिनिधिहरूको नाम इन्ट्री गर्ने काम सुरु गरिसकेको छ।
महाधिवेशनमा वैधानिक व्यवस्था अनुसार पदहरूको संरचना निर्धारण गर्दै मतदान प्रक्रियालाई सहज बनाउने तयारी अघि बढाइएको उनले बताइन्।
महाधिवेशनको आउँदा शनिबार भक्तपुरको सल्लाघारीमा उद्घाटन हुँदैछ भने बन्दसत्र भृकुटीमण्डपमा हुनेछ ।
