एजेन्सी । भारतीय क्रिकेटर हार्दिक पाण्ड्या फेरि चर्चामा आएका छन् । एशिया कपमा बलिङ र नयाँ हेयरस्टाइलका कारण ध्यान खिचिरहेका उनले हाल मोडल तथा अभिनेत्री माहिका शर्मासँगको अफेयरका हल्लाले समेत समाचार बनेका छन् ।
दिल्लीमा जन्मिएकी २४ वर्षीया माहिकाले नेभी चिल्ड्रेन स्कुलबाट पढाइ पूरा गरी इकोनोमिक्स र फाइनान्समा अध्ययन गरेकी हुन् ।
उनी मोडलिङ र अभिनयमार्फत चर्चामा आइन् – रैपर रागाको म्युजिक भिडियो, ‘पीएम नरेन्द्र मोदी’ फिल्म र अस्कर विजेता निर्देशक आरल्यान्डो भोन आइन्सिडेलको इन्टु द डस्क लगायतमा अभिनय गरेकी छन् ।
माहिकाले अनीता डोंगरे, मनीष मल्होत्रा, रितु कुमारजस्ता डिजाइनरको शोमा वाक गरेकी छन् र २०२४ को इन्डियन फेसन अवार्ड्समा “मोडल अफ द इयर (न्यू एज)” उपाधि पाएकी छन् । उनी योग प्रशिक्षक पनि हुन् ।
हार्दिक–माहिका सम्बन्धको चर्चा एक भिडियो र माहिकाले उँगलीमा “२३” लेखेको पोस्टपछि सुरु भएको बताइन्छ । २३ हार्दिकको जर्सी नम्बर हो । दुबै पक्षबाट भने कुनै आधिकारिक प्रतिक्रिया आएको छैन ।
