काठमाडौं । राष्ट्रिय स्वतन्त्र पार्टी (रास्वपा)ले सभापति रवि लामिछानेमाथि प्रहरीले ज्यादती गरेको भन्दै राष्ट्रिय मानव अधिकार आयोगको ध्यानाकर्षण गराएको छ ।
आज बिहान पुल्चोकस्थित आयोगको कार्यालयमा पुगेर कार्यवाहक महामन्त्री कविन्द्र बुर्लाकोटी, प्रमुख सचेत सन्तोष परियार लगायतका नेताहरुले लामिछानेको मानव अधिकार रक्षाका लागि ध्यानाकर्षण गराएका हुन् ।
बुटवलको सुप्रिम सहकारी ठगी र संगठित अपराधसम्बन्धी मुद्दामा उच्च अदालत तुलसीपुरको इजलासले थुनामा राख्न आदेश दिएपछि प्रहरीले चैत २२ गते शुक्रवार लामिछानेलाई उनकै घरबाट पक्राउ गरेको थियो ।
लामिछानेलाई पक्राउ पुर्जी विना नै नियन्त्रणमा लिएको र प्रहरीले ज्यादती गरेको भन्दै रास्वपाले विरोध गर्दै आईरहको छ ।
