तनहुँ । तनहुँको भिमाद नगरपालिकास्थित जनज्योति क्याम्पसमा नेकपा एमाले निकट अनेरास्ववियुका विप्लव भण्डारी अध्यक्षमा निर्वाचित भएका छन् ।
कांगेस निकट नेपाल विद्यार्थी संघ (नेविसंघ) र माओवादी केन्द्र निकट अखिल (क्रान्तिकारी)को गठबन्धनलाई परास्त गर्दै भण्डारीको प्यानलै विजयी भएको हो ।
आज भएको मतदानमा २ सय ५८ मतमध्ये २ सय ४४ मत खसेकामा विजयी भण्डारीले १ सय ३१ मत प्राप्त गरे । उनका प्रतिस्पर्धी नेविसंघका अमृत गैह्रेले १ सय ९ मत ल्याए ।
यस्तै, सचिवमा अनेरास्ववियुका अस्मिता क्षेत्री १ सय ३२ मतका साथ विजयी हुँदा प्रतिस्पर्धी नेविसंघका दिपा रानाले १ सय २० मत ल्याइन् ।
कोषध्यक्षमा अनेरास्ववियुका यसुमाया थापाले १ सय ३२ मत प्राप्त गरिन् भने प्रतिस्पर्धी कासिका रानाले १ सय ७ मत ल्याइन् ।
यसैगरी सदस्यहरुमा अनेरास्ववियुका सुजन पौडेल १ सय २३, साविया खातुन मियाँ १ सय २२, विष्णु उच्चै १ सय २१, विनिता रसाइली १ सय २८, ममता सिग्देल १ सय २२ मत ल्याएर विजयी भए ।
