काठमाडौँ । इंग्लिस प्रिमियर लिग फुटबलमा लिभरपुलले जित निकालेको छ ।
गएराति भएको खेलमा लिभरपुलले टोटेनहमलाई ६–३ गोलले हराएको हो । टोटेनहमको घरेलु मैदानमा लिभरपुललाई सानदार जित दिलाउन लुइस डियाज र मोहम्मद सलाहले दुई–दुई गोल गरे भने म्याक एलिस्टर र डोमिनिक सोबोस्लाईले एक–एक गोल गरे ।
टोटेनहमका जेम्स म्याडिसन, डेजान कुलुसेभ्स्की र डोमिनिक सोलान्कीले गोल गरे । जितसँगै शीर्षस्थानको लिभरपुलले अंकदुरी बढाएको छ ।
उसको १६ खेलबाट ३९ अंक छ । दोस्रो स्थानको चेल्सीको १७ खेलबाट ३५ अंक छ । टोटेनहम २३ अंकका साथ ११ औं स्थानमा छ ।
