काठमाडौं । कीर्तिपुर क्रिकेट मैदानमा जारी नेपाल प्रिमियर लिग (एनपीएल) को आज फाइनल खेल भै रहेको छ । फाइनलमा सुदूरपश्चिम रोयल्स र जनकपुर बोल्टस् भिड्दैछन् ।
फाइनल खेल हेर्न बिहानैदेखि क्रिकेट मैदान दर्शक भरिभराउ छन् । दुवैतर्फका टिम समर्थक आआफ्ना टिमको समर्थनमा प्लेकार्ड सहित उपस्थित भएका छन् ।
यसअघि यी दुई टोलीले दुई खेल खेलेकोमा दुबै खेलमा सुदूरपश्चिमले जनकपुरलाई पराजित गरेको थियो । पहिलो संस्करणको विजेता टोलीले ट्रफीसहित १ करोड १० लाख रुपैयाँ पाउनेछ । उपविजेताले ५१ लाख प्राप्त गर्नेछ ।
तस्बिर : प्रदीप राज वन्त /रासस
