एजेन्सी । पाँच पटकको आईपीएल च्याम्पियन चेन्नई सुपर किंग्सले आईपीएल २०२५ को लिलामी अघि पाँच खेलाडीलाई रिटेन गरेको थियो । चेन्नईले रुतुराज गायकवाड, रविन्द्र जडेजा, शिवम दुबे, मथिश पाथिराना र महेन्द्र सिंह धोनीलाई रिटेन गरेको छ ।
लिलामीमा चेन्नईले आर अश्विन (रविचन्द्रन अश्विन) लाई ९.७५ करोडमा किनेको थियो । यसरी ३८ वर्षीय आर अश्विन आईपीएल २०२५ को लिलामीमा सबैभन्दा पाका खेलाडी बनेका छन् । यस्तो अवस्थामा आईपीएल २०२५ को लिलामीमा बिक्रि भएका शीर्ष ५ पुराना खेलाडीको नाम जानौँ ।
१. रविचन्द्रन आश्विन (आर अश्विन) – ३८ वर्ष ७१ दिन
भारतीय अफ स्पिनर आर अश्विन ३८ वर्षका छन्, जसका लागि चेन्नईले ९.७५ करोड खर्च गरेको छ । अश्विन आईपीएल २०२५ को लिलामीमा २ करोडको आधार मूल्यमा प्रवेश गरेका थिए जसलाई किन्नका लागि ४ फ्रेन्चाइजीबीच बोली लागेको थियो ।
२. मोइन अली – ३७ वर्ष १६७ दिन
३७ वर्षीय इंग्ल्यान्डका अलराउन्डर मोइन अलीलाई अन्ततः केकेआरले आईपीएल २०२५ को लिलामीमा उनको आधार मूल्यमा (२ करोड भारु)मा किनेको थियो । केकेआर बाहेक कुनै पनि फ्रेन्चाइजले उनलाई किन्न चासो देखाएनन् ।
३. कर्ण शर्मा – ३७ वर्ष ३५ दिन
आईपीएल २०२५ को लिलामीमा मेरठका करण शर्माको लिलामी भएको थियो । उनलाई मुम्बई इन्डियन्सले आधार मूल्य ५० लाखमा किनेको थियो । कर्ण शर्मा ३७ वर्षका छन् ।
४. अजिंक्य रहाणे –३६ वर्ष १७४ दिन
अजिंक्य रहाणेले आईपीएल २०२५ को प्रारम्भिक राउण्डको लिलामीमा कुनै पनि खरिदकर्ता फेला पार्न सकेनन् । तर, अन्त्यमा केकेआरले उनलाई १.५० करोडमा आधार मूल्यमा किन्यो । यस्तो अवस्थामा ३६ वर्षीय अजिंक्य यस लिलामीमा बिक्रि भएका सबैभन्दा पाका खेलाडीमध्ये एक थिए ।
५. इशान्त शर्मा – ३६ वर्ष ८६ दिन
अनुभवी फास्ट बलर इशान्त शर्मालाई गुजरात टाइटन्सले ७५ लाखको आधार मूल्यमा किनेको थियो । यसरी ३६ वर्षीय इशान्त शर्मा आईपीएल २०२५ को लिलामीमा बिक्रि हुने सबैभन्दा पाको खेलाडीमध्ये एक हुन् ।
