एजेन्सी । साउदी अरेबियाको जेद्दामा भएको २ दिने आईपीएल मेगा अक्सनमा १० फ्रेन्चाइजीले ६३९.१५ करोड रुपैयाँ खर्च गरेका छन् ।
अक्सनमा १८२ खेलाडी बिक्रि भए जसमध्ये ६२ विदेशी खेलाडी थिए । ऋषभ पन्त इतिहासकै सबैभन्दा महँगा खेलाडी बने । उनलाई लखनऊ सुपर जाइन्ट्स (एलएसजी)ले २७ करोडमा किनेको थियो ।
जब खेलाडीहरू लिलामी हुन्छन्, टिडिएस तिनीहरूको लिलामी रकमबाट कटौती गरिन्छ । यहाँ हामी आईपीएलमा लिलामी भएका खेलाडीहरूले लिलामी रकमको तुलनामा कति पैसा पाउनेछन् भनेर बताइरहेका छौं । सरकारी कोषमा कति पैसा जान्छ ?
भारत सरकारले भारतीय खेलाडीको तलबमा १० प्रतिशत कर लगाएको छ । यो कर आईपीएल फ्रेन्चाइजीले खेलाडीलाई भुक्तानी गर्नु अघि स्रोतमा कर कटौती (टीडिएस) को रूपमा काट्छ । जबकि विदेशी खेलाडीको तलबमा २० प्रतिशत कर काटिन्छ ।
उदाहरणका लागि, यदि कुनै भारतीय खेलाडीको तलब १० करोड रुपैयाँ छ भने, फ्रेन्चाइजले खेलाडीलाई भुक्तान गर्नुअघि करको रूपमा १ करोड रुपैयाँ कटौती गर्नेछ । विदेशी खेलाडीको तलब १० करोड भए फ्रेन्चाइजले २ करोड रुपैयाँ कर काट्छ । कटौती गरिएको टिडिएस खेलाडीहरूको तर्फबाट भारत सरकारमा जम्मा गरिन्छ ।
आईपीएलमा सर्वाधिक महँगा खेलाडी पन्त जो २७ करोडमा बिक्रि भएका थिए उनले २४ करोड ३० लाख पाउनेछन् । २ करोड ७० लाख टिडिएस काटिनेछ ।
आईपीएल लिलामीबाट ८९.४९ करोड रुपैयाँ सरकारी कोषमा जाने
आईपीएल टोली मालिकहरूबाट कटौती गरिएको टिडिएस खेलाडीहरूको तर्फबाट भारत सरकारमा जम्मा गरिन्छ । यस पटकको लिलामीमा १० फ्रेन्चाइजीले ६३९.१५ करोड रुपैयाँ खर्च गरेका छन् । जसमा भारतीय खेलाडीमा ३८३.४० करोड र विदेशी खेलाडीमा २५५.७५ करोड रुपैयाँ खर्च भएको छ ।
१०% टीडीएस अनुसार भारतीय खेलाडीको कुल टीडीएस ३८.३४ करोड रुपैयाँ आउँछ । विदेशी खेलाडीको २० प्रतिशत टीडीएस अनुसार ५१.१५ करोड रुपैयाँ हुन्छ । अर्थात् यस लिलामीमा खेलाडीलाई दिइएको रकममध्ये कुल ८९ करोड ४९ लाख रुपैयाँ सरकारी कोषमा जम्मा हुनेछ ।
