काठमाडौँ । इंग्लिस प्रिमियर लिग फुटबलमा लिभरपुलले जित निकालेको छ । गएराति भएको खेलमा लिभरपुलले ब्राइटनलाई २-१ गोलले हराएको हो ।
खेलको १४ औं मिनेटमा फेड्री काडिग्लुले गोल गर्दै ब्राइटनलाई सुरुवाती अग्रता दिलाएका थिए । तर, दोस्रो हाफमा लिभरपुल खेलमा फर्कियो । ७० औं मिनेटमा कोडी गाक्पोले र ७२ औं मिनेटमा मोहम्मद सलाहले गोल गर्दै लिभरपुललाई जित दिलाए ।
जितसँगै लिभरपुल १० खेलबाट २५ अंकका साथ तालिकाको शीर्षस्थानमा छ । ब्राइटन १६ अंकका साथ सातौं स्थानमा छ ।
