एजेन्सी । विश्वकै सबैभन्दा चर्चित आत्महत्या गर्ने ठाउँ (सुसाइड पोइन्ट) मध्ये एक जापानको ओकिगहरा नामको जंगल निकै रहस्यमय छ ।
३५ स्क्वायर किलोमिटरको ठूलो क्षेत्रमा फैलिएको यो जंगल जापानको राजधानी टोक्योबाट मात्रै २ घण्टाको दुरीमा अवस्थित छ ।
यो भयानक जंगलमा २०१३ देखि २०१५ सम्म १०० भन्दा बढी आत्महत्याको घटना घटेको थियो । सान फ्रान्सिस्कोको गोल्डेन गेट ब्रिजपछि यो विश्वमै सबैभन्दा धेरै आत्महत्या गरिने ठाउँ बनेको छ । जसलाई ‘सुसाइड फरेस्ट’ पनि भन्ने गरिन्छ ।
यो रहस्यमयी जंगलमा मायावी शक्तिहरु रहेको र यहाँ भूत बस्ने गर्दछन् जसले मानिसलाई आत्महत्या गराउन बाध्य बनाउँछन् भन्ने जनविश्वास छ । यहाँ पुगेपछि कम्पास र मोबाइलले काम गर्न छाड्ने बताइन्छ ।
जसकारण यो ओकिगहरा जंगलमा एक पटक हराएपछि भेटिन मुश्किल पर्छ ।
