रुपन्देही। रुपन्देही जिल्ला अदालतले राष्ट्रिय स्वतन्त्र पार्टीका अध्यक्ष एबं पूर्व गृहमन्त्री तथा रवि लामिछाने, पूर्वडीआईजी छविलाल बन्जाडे जोशीसहित सहित १२ जना बिरुद्ध पक्राउ अनुमति पत्र जारी गरेको छ । उनिहरुलाई ठगी र संगठित अपराधको कसुरमा पक्राउ पूर्जी जारी भएको छ।
सहकारीको रकम अपचलन गरेको आरोपमा प्रहरी अनुसन्धानमा रहेका लामिछाने सहित १२ जना माथि सुप्रिम सहकारी ठगी प्रकरणमा अनुसन्धान गर्नका लागि रुपन्देही अदालतबाट पक्राउ अनुमति पत्र जारी भएको हो।
जिल्ला अदालत रुपन्देहीले बिहीबार सभापति लामिछाने, पूर्व डिआईजी छविलाल जोशीसहित १२ जनालाई पक्राउ गर्न प्रहरीलाई अनुमति दिएको अदालतका सूचना अधिकारी अनन्तराज मरासिनीले जानकारी दिनुभयो ।
सुप्रिम सहकारीको रकम पनि लामिछाने प्रबन्ध निर्देशक रहेको गोर्खा मिडिया प्रालिमा अपचलन भएको सहकारीसम्बन्धी संसदीय छानबिन समितिले ठहर गरेको थियो।
रास्वपा सभापति लामिछानेलाई पोखराको सूर्यदर्शन सहकारी ठगी प्रकरणमा अनुसन्धानका लागि जिल्ला प्रहरी कार्यालय पोखराको हिरासतमा रहेका छन्। गोर्खा मिडियाका अध्यक्ष जिवी राई बिरुद्ध यस अघि नै पक्राउ अनुमति पूर्जी जारी भइसकेको छ।
