डडेल्धुरा । डडेल्धुरामा गएराति भएको बस दुर्घटना हुँदा चार जनाको मृत्यु भएको छ । दुर्घटनामा १२ जना घाइते भएका छन् ।
महेन्द्रनगरबाट बैतडीको पुर्चौडीतर्फ गइरहेको बस अमरगढी नगरपालिका–७ को खसरेखानमा गएराति दुर्घटना भएको हो । पवनदुत यातायातको ना ८ ख १०७८ नम्बर बस दुर्घटना हुँदा चार जनाको मृत्यु भएको प्रहरीले जनाएको छ ।
दुर्घटनामा बैतडीको पुर्चौडी नगरपालिका–३ का ४५ वर्षीया जैमती बोहोरा, २१ वर्षीया कमला बोहोरा, उनका दुई दिने नाबालक शिशु र २२ वर्षीय सहदेव बोहोराको मृत्यु भएको हो । गम्भीर अवस्था डडेल्धुरा अस्पताल पुर्याइएका उनीहरूलाई चिकित्सकले मृत घोषणा गरेका हुन् ।
दुर्घटनामा घाइते भएका १२ जनाको डडेल्धुरा अस्पतालमा उपचार भइरहेको छ । बसमा १७ जना सवार रहेकोमा एक जना सम्पर्कविहीन भएको प्रहरीले जनाएको छ ।
