काठमाडौं । शुक्रबार र शनिबार आएको भीषण वर्षापछिको बाढी र डुवानका कारण काठमाडौं अस्तव्यस्त बन्यो । आइतबारदेखि पानी पर्न कम भए पनि बाढीले थुपारेको फोहोर उठाएर अझै सकिएको छ ।
सोमबार दिनभर नै प्रभावितहरु आफ्नो थातथलो सफा गर्न र पूर्ववत् अवस्थामा फर्कने प्रयासमा रहे । बाढी र डुवानले अस्तव्यस्त बनाएको काठमाडौं उपत्यकाका प्रभावितहरु अझै लयमा फर्कन सकेका छैनन् ।
सरकारी निकाय, सामाजिक संघसंस्था तथा व्यक्तिगत प्रयासमा प्रभावित वस्ती सफा गर्ने काम अझै जारी छ ।
तस्बिरहरु : नविन पौडेल र हरिराम भेटुवाल/रासस
काठमाडौँ महानगरपालिका–१४ बल्खुस्थित अविरल वर्षाका कारण बाढीले कृषि तथा तरकारी बजारमा क्षेति गरेपछि बजार भित्र रहेको लेदो माटो जेसिबीको सहायताले सरसफाइ गर्दै ।
काठमाडौँ महानगरपालिका–१४ बल्खुस्थित अविरल वर्षाका कारण बाढीले कृषि तथा तरकारी बजारमा क्षति गरेपछि सोमबार बजार भित्र रहेको लेदो माटो सरसफाइ गर्दै बजारका व्यवसायी ।
बाढीबाट प्रभावित सुकुम्बासी बस्ती । शनिबार आएको अविरल वर्षाका कारण बाढीले नदी किनार आसपासका बस्ती प्रभावित भएका छन् ।
युएनपार्क अगाडि अड्किएरको ग्यास बुलेट । शनिबार आएको अविरल वर्षाका कारण बाढीले चुहिँदै गरेको अवस्थामा ग्यास बुलेट बगाएको थियो ।
ललितपुरको च्यासलमा अविरल वर्षाका कारण आएको बाढीबाट बेपत्ताको सोमबार खोजी गर्दै सशस्त्र प्रहरीको टोली ।
ललितपुरको च्यासलमा अविरल वर्षाका कारण आएको बाढीले बेपत्ता भएका मानिसहरुको सोमबार खोजी गर्दै सशस्त्र प्रहरीको टोली ।
काठमाडौँको विश्व निकेतन माध्यमिक विद्यालय परिसरमा सिकाइएका बागमती नदीमा आएको बाढीले भिजेका किताब कपी ।
काठमाडौँको बागमती नदीमा आएको बाढीपछि त्रिपुरेश्वरस्थित वंशीघाट परिसरकाे दृश्य ।
अविरल वर्षाका कारण बागमती नदीमा आएको बाढीले क्षति गरेकाे ललितपुरस्थित च्यासल खेलमैदान ।
काठमाडौँको बुद्धनगरमा डोजरमार्फत सडक सफा गर्दै ।
काठमाडौँको टेकूस्थित सानेपा जाने सडकमा बागमती नदीमा आएको बाढीले थुपारेको फोहर र लेदो जेसिविमार्फत सफा गरिँदै ।
