काठमाडौं । नेकपा एमालेले रिक्त उपाध्यक्षमा गुरु बराललाई मनोनीत गरेको छ । बिहिबार बसेको सचिवालय बैठकले बराललाई उपाध्यक्षमा नियुक्त गरेको हो ।
एमाले उपाध्यक्ष सुवासचन्द्र नेम्वाङको निधनपछि उक्त पद खाली थियो ।
बरालले बागमती प्रदेश इन्चार्जको जिम्मेवारी पनि सम्हालेको थिए ।
यस्तै, मुकुन्द न्यौपाने र मधेश प्रदेशका पोलिटब्युरो सदस्य लीलानाथ श्रेष्ठलाई स्थायी कमिटीमा मनोनीत गरेको महासचिव शंकर पोखरेलले जानकारी दिए ।
