काठमाडौ । मन्त्रिपरिषद बैठकको नियमति बैठक सोमबार हुने भएपनि प्रधानमन्त्रीको सचिवालयबाट मन्त्री हरुलाई पौने १० बजे मन्त्रीपरिषद्को बैठक राखिएको सुचना नौ बजे दिईएको थियो । सनिबार साझ नै संसद बिघटन हुदै छ भन्ने छनक पाएका केही मन्त्रीहरु संसयका बिच बालुवाटार पुगेका थिए । मन्त्रिपरिषद बैठक सहभागि मन्त्री बाट संसद बिघटन हुदैछ भन्ने प्रमाणिक सुचना पाएपछि नेकपा अध्यक्ष पुष्पकमल दाहाल खुमलटार बाट प्रधानमन्त्रीलाई भेट्न बालुवाटार पुग्नु भयो ।
दाहाल पुग्दा सम्म प्रधानमन्त्री केपी शर्मा ओलीले राष्ट्रपति विद्यादेवी भण्डारीसमक्ष संसद विघटनको सिफारिस गरिएको पत्र राष्ट्रपति कार्यालय पठाईसकिएको थियो । उच्च स्रोतका अनुसार अध्यक्ष दाहालले स्थायी समिति सदस्य जनार्दन शर्मालाई ओली बिरुद्धको अबिश्वासको प्रस्ताब सहित संसदको अधिबेशनन बोलाउने पत्र दिएर राष्ट्रपति कार्यलय पठाउनु भएको सुचना पाएपछि ओली संसद बिघटन गर्ने निर्णयमा पुग्नु भएको हो ।
