काठमाडौं । हाल देशमा पश्चिमी वायुको सामान्य प्रभाव रहेको छ । मौसम पूर्वानुमान महाशाखाका अनुसार हालको मौसमको अवस्था तराईका भू-भागका थोरै स्थानहरुमा बाक्लो हुस्सु र कुहिरो लाग्ने र बांकी भु-भागको मौसम सामान्यतया सफा रहने छ ।
महाशाखाले आगामी तीन दिनको मौसम पूर्वानुमान गरेको छ जसका अनुसार आज (शनिबार) दिउँसो प्रदेश नं १ र सुदुरपश्चिम प्रदेशमा आँशिक बदली रहने र बाँकी भू-भागमा मौसम सामान्यतया सफा रहने जनाएको छ। यस दिन राती गण्डकी प्रदेश,लुम्बिनी प्रदेश, कर्णाली प्रदेश र सुदुरपश्चिम प्रदेशमा आँशिक देखि सामान्य बदली रहने र बाँकी भू-भागमा मौसम आंशिक बदली रहनेछ।
पौष १२ गते आईतबारको दिन दिउँसो गण्डकी प्रदेश, लुम्बिनी प्रदेश, कर्णाली प्रदेश र सुदुरपश्चिम प्रदेशमा आँशिक देखि सामान्य बदली रहि बाँकी भू-भागमा आंशिक बदली रहने मौसमविद्हरुले पूर्वानुमान गरेका छन् । साथै राती बाग्मती र गण्डकी प्रदेशमा आँशिक देखि सामान्य बदली रहि बाँकी भू-भागमा आंशिक बदली रहने जनाएको छ।
त्यस्तै, पौष १३ गते सोमबारको दिन दिउँसो प्रदेश नं १, लुम्बिनी प्रदेश र सुदुरपश्चिम प्रदेशमा आँशिक रही बाँकी भू-भागमा मौसम सामान्यतया सफा रहनेछ भने
राती प्रदेश नं १ र सुदुर पश्चिम प्रदेशमा आँशिक बदली रहि बाँकी भू-भागमा मौसम सामान्यतया सफा रहनेछ।
आगामी २४ घण्टा चिसो रहिरहने भएकाले तराई र पहाडि भू-भागका केही स्थानमा बिहानीपख हुस्सु र कुहिरोको कारणले हवाई यातायात प्रभावित हुन सक्ने सम्भावना रहेको महाशाखाले जनाएको छ । यस्तो बेलामा यात्रा तय गर्दा सतर्कता अपनाउनसमेत महाशाखाले सचेत गराएको छ ।
