काठमाडौं । हाल मौसममा पश्चिमी वायुको प्रभाव रहेको छ । देशको पहाडी भू-भागमा मौसम सामान्यतया सफा रहेको छ भने तराईका केहि स्थानमा हुसुरकुहिरो लागेको मौसम पूर्वानुमान महाशाखाले बताएको छ ।
पौष १८ गते शनिबारको दिन लुम्बिनी प्रदेश, कर्णाली प्रदेश र सुदुर पश्चिम प्रदेशमा सामान्य बदली रहने मौसम विभागले जनाएको छ । सुदुर पश्चिम प्रदेश तथा कर्णालीका उच्च हिमाली भू-भागमा हल्का हिमपात र केही स्थानमा वर्षाको समेत सम्भावना रहेको छ ।
पौष १९ गते आईतबारको दिन देशभर आंशिक बदली रही सुदुर पश्चिम प्रदेश, कर्णाली प्रदेश, लुम्बिनी प्रदेश, गण्डकी प्रदेशका उच्च हिमाली भू भागमा हल्का हिमपातको साथै पहाडी भू-भागहरुका केही स्थानहरुमा हल्का वर्षाको सम्भावना रहने मौसम विदले जनाएका छन्।
पौष २० गते सोमबारको दिन सुदुर पश्चिम प्रदेश, कर्णाली प्रदेश, गण्डकी र बाग्मति प्रदेशका उच्च हिमाली भू-भागमा र केहि स्थानहरुमा हल्का हिमपातको साथै हल्का वर्षाको सम्भावना रहेको छ।
आगामी २४ घण्टाकामा तापक्रममा कमि भई चिसो बढ्ने हुदाँ चिसोबाट बच्न महाशखाले सचेत गराएका छन् । साथै हुस्सुरकुहिरोको कारणले वायुको पारदर्शितामा कमी हुन गई सडक तथा हवाई यातायात समेत प्रभावित हुन सक्ने सम्भावना रहेको जनाएको छ ।
