काठमाडौं । संसदको गतिरोध अन्त्यको प्रयासमा प्रधानमन्त्री निवास बालुवाटारमा बसेको बैठक निष्कर्ष विहीन भएको छ ।
प्रधानमन्त्री पुष्पकमल दाहाल प्रचण्डले सत्ता पक्ष र प्रतिपक्ष दलहरुसँग आज गर्नुभएको छलफल निष्कर्ष विहीन सकिएको हो ।
बैठकमा सहमति नजुटेपछि आजै साँझ फेरि छलफल गर्ने बताईएको छ ।
प्रधानमन्त्रीसँगको छलफलमा सहभागी नेपाली कांग्रेसका नेताहरुले दिउँसो पार्टी सभापति शेरबहादुर देउवासँग छलफल गर्ने सहमहामन्त्री जीवन परियारले बताए । ‘टीओआरको विषयमा कुरा मिलेको छैन। थप छलफलका लागि हामीले १ बजे बस्दैछौं। त्यहीबाट पार्टीको आधिकारिक धारणा ल्याउँछौँ’, उनले भने ।
