काठमाडौँ । इन्डियन प्रिमियर लिग (आईपीएल २०२४) मा शनिबार भएको खेलमा रोयल च्यालेन्जर्स बैंगलोर (आरसीबी)ले चेन्नई सुपर किंग्स (सीएसके)लाई २७ रनले पराजित गरेको छ ।
टोलीले लिग चरणमा लगातार ६ खेल जितेको थियो । यो जितसँगै आरसीबीले नवौं पटक आईपीएल प्लेअफमा स्थान बनाएको छ । यो हारसँगै चेन्नईको यात्रा भने यहीँ समाप्त भयो ।
चिन्नास्वामी स्टेडियममा बैंगलोरले ५ विकेट गुमाएर २१८ रन बनाएको थियो । सिएसकेले ७ विकेट गुमाएर १९१ रन मात्रै बनाउन सक्यो ।
अन्तिम ओभरमा एमएस धोनी, शार्दुल ठाकुर र रविन्द्र जडेजाले मात्र ७ रन बनाउन सके । बैंगलोरका फाफ डु प्लेसिसले ३९ बलमा ५४ रनको इनिङ खेले ।
उनको इनिङ्समा ३ चौका र ३ छक्का समावेश थियो । डु प्लेसिस खेलको प्लेयर अफ द म्याच घोषित भए ।
यो जितसँगै आरसीबीले राम्रो रन रेटका आधारमा १४ अंकसहित प्लेअफमा स्थान सुरक्षित गरेको छ । टोलीलाई अन्तिम लिग खेलमा चेन्नईविरुद्ध कम्तिमा १८ रनले जित्न आवश्यक थियो । टोली २७ ले विजयी भयो । आरसीबीले मे २२ मा प्लेअफमा एलिमिनेटर खेल्नेछ । एलिमिनेटर खेलमा आरसीबीले अंक तालिकाको तेस्रो स्थानमा रहेको टोलीसँग खेल्नेछ ।
बैंगलोरका लागि कप्तान फाफ डु प्लेसिस (५४)ले अर्धशतक बनाए । उनी बाहेक विराट कोहलीले ४७ रन र रजत पाटीदारले ४१ रन बनाए । चेन्नईका शार्दुल ठाकुरले सर्वाधिक २ विकेट लिए । मिचेल सान्टनर र तुषार देशपाण्डेले १–१ विकेट लिए । सान्टनरले फाफ डु प्लेसिसलाई रनआउट गरे ।
जवाफमा चेन्नईका लागि रचिन रविन्द्रले अर्धशतक प्रहार गरे । उनले ३७ बलमा ६१ रन बनाए । उनी बाहेक रविन्द्र जडेजाले अविजित ४२ रन बनाए । धोनीले १३ बलमा २५ रनको इनिङ खेले । बैंगलोरका लागि यश दयालले २ विकेट लिए । ग्लेन म्याक्सवेल, क्यामरुन ग्रीन, मोहम्मद सिराज र लोकी फर्गुसनले १–१ विकेट लिए ।
प्लेअफमा पुग्ने टिमः
कोलकाता नाइट राइडर्स
राजस्थान रोयल्स
सनराइजर्स हैदराबाद
रोयल च्यालेन्जर्स बैंगलोर
