एजेन्सी । चेन्नई सुपर किंग्सले आईपीएल–२०२४ प्लेअफको आफ्नो आशा जीवित राखेको छ । टोलीले चालू सिजनको ६१ औं खेलमा राजस्थान रोयल्सलाई ५ विकेटले पराजित गरेको हो ।
एमए चिदम्बरम रंगशालामा भर्खरै सम्पन्न खेलमा राजस्थानले टस जितेर ब्याटिङ गर्ने निर्णय गरेको थियो ।
पहिले ब्याटिङ गरेको राजस्थानले निर्धारित २० ओभरमा ५ विकेट गुमाएर १४१ रन बनाएर चेन्नईलाई १४२ रनको लक्ष्य दिएको थियो । जवाफमा चेन्नईले ५ विकेट गुमाएर १० बल बाँकी छँदा लक्ष्य पुरा गर्यो ।
यो जितसँगै चेन्नर्य अंक तालिकाको तेस्रो स्थानमा उक्लिएको छ । चेन्नईको १३ खेलपछि १४ अंक छ । राजस्थानले भने प्लेअफको लागि फेरि अर्को खेलको नतिजा कुर्नुपरेको छ । टोली १२ खेलबाट १६ अंकका दोस्रो स्थानमा छ ।
चेन्नईलाई जित दिलाउन कप्तान रुतुराज गायकवाडले अविजित ४१ रनको योगदान दिए । यस्तै, रचिन रविन्द्रले २७, डेरील मिचेलले २२, शिवम दुवेले १८ तथा समिर रीजवीले १५ रन जोडे ।
बलिङतर्फ राजस्थानका रविचन्द्रन अश्विनले २ तथा युजवेन्द्र चहल र नान्द्रे बर्गरले १–१ विकेट लिए ।
त्यसअघि टस जितेर ब्याटिङ गरेको राजस्थानले २० ओभरमा ५ विकेट गुमाएर १४१ रन जोड्यो ।
उसका लागि रियान परागले सर्वाधिक अविजित ४७ रन बनाए भने ध्रुव जुरेलले २८, यशस्वी जैसवालले २४, जोस बटलरले २१ र सन्जु सामसनले १५ रन बनाए ।
बलिङतर्फ चेन्नईका सिमरजित सिंहले ३ तथा तुषार देशपाण्डेले २ विकेट लिए ।
