काठमाडौँ । इन्डियन प्रिमियर लिग (आईपीएल) मा कोलकाता नाइट राइडर्स (केकेआर)ले लखनउ सुपर जाइन्ट्स (एलएसजी)लाई पराजित गरेको छ ।
कोलकाताको जारी सिजनमा यो चौथो जित हो । सिजनको २८ औँ खेलमा आइतबार कोलकाताले लखनउलाई ८ विकेटले पराजित गरेको हो ।
इडेन गार्डेन रंगशालामा भएको खेलमा कोलकाताले टस जितेर पहिले बलिङ गर्ने निर्णय गरेको थियो । पहिले ब्याटिङ गरेको लखनउले २० ओभरमा ७ विकेट गुमाएर १६१ रन बनाएको थियो । जवाफमा कोलकाताले १५.४ ओभरमा २ विकेट गुमाएर लक्ष्य पूरा गर्यो । लखनउमाथि कोलकाताको यो पहिलो जित समेत हो ।
कोलकाताका फिल साल्टले २६ बलमा अर्धशतक बनाए । यो सिजनमा उनको यो दोस्रो अर्धशतक हो । यो उनको आईपीएल करियरको चौथो अर्धशतक हो । उनी ४७ बलमा ८९ रनसहित अविजित रहे ।
यस्तै कप्तान श्रेयस ऐयर ३८ रनमा नटआउट रहे । लखनउका मोहसिन खानले २ विकेट लिए ।
त्यसअघि टस हारेर पहिले ब्याटिङ गरेको लखनउले २० ओभरमा ७ विकेट गुमाएर १६१ रन बनायो । एलएसजीका लागि बायाँ हाते ब्याट्सम्यान निकोलस पुरनले सर्वाधिक रन बनाए । उनले ३२ बलमा ४५ रनको इनिङ खेले । उनका अलावा कप्तान केएल राहुलले ३९ र आयुष बडोनीले २९ रन बनाए ।
कोलकाताका लागि मिचेल स्टार्कले ३ विकेट लिए । वैभव अरोरा, आन्द्रे रसेल, वरुण चक्रवर्ती र सुनिल नारायणले एक-एक विकेट लिए ।
