काठमाडौँ । इन्डियन प्रिमियर लिग (आईपीएल) अन्तर्गत आज आइतबार डबल हेडर (एक दिनमा २ खेल) हुँदैछन् । आजको पहिलो खेलमा गुजरात टाइटन्सले अहमदाबादमा सनराइजर्स हैदरावादको सामना गर्दैछ । खेल दिउँसो ३ः४५ बजे सुरु हुनेछ ।
नरेन्द्र मोदी स्टेडियममा हुने उक्त खेलमा हैदरावादले टस जितेर ब्याटिङ रोजेको छ । हैदरावादले प्लेइङ इलेभेनमा कुनै परिवर्तन गरेको छैन । गुजरातले भने प्लेइङ इलेभेनमा दुई परिवर्तन गरेको छ ।
यो सिजन दुवै टोलीको तेस्रो खेल हुनेछ । २०२२ को विजेता गुजरातले पाँच पटकको च्याम्पियन मुम्बईलाई हराएर आफ्नो आईपीएलको सुरुवात गरेको थियो । तर, दोस्रो खेलमा चेन्नईसँग टोलीले हार बेहोर्यो ।
अर्कोतर्फ २०१६ को च्याम्पियन हैदरावाद आफ्नो पहिलो खेलमा कोलकातासँग पराजित भएको थियो । तर दोस्रो खेलमा पुनरागमन गर्दै मुम्बईविरुद्ध २७७ रन बनाउँदै ३१ रनले खेल जित्यो । हैदरावादले आफ्नो सुरुवाती दुवै खेलमा २००ं माथि रन बनाएको छ ।
