एजेन्सी । आईपीएल २०२४ को पूरा खेल तालिका सार्वजनिक भएको छ । योसँगै आईपीएल टोलीका लागि नराम्रो खबर आएको छ ।
वास्तवमा, टी–२० विश्वकप खेल्ने खेलाडीहरूले आईपीएल प्लेअफको समयमै अमेरिका जानुपर्नेछ । तर, जसको टोली प्लेअफमा पुग्नेछ ती खेलाडीले जानुपर्ने छैन, अर्थात् ती खेलाडीले आईपीएलको प्लेअफ खेल्न पाउनेछन् ।
टी–२० विश्वकप जुन २ बाट सुरु हुँदैछ । योसँगै यो प्रतियोगिता सुरु हुनुअघि भारतीय टोलीले २ अभ्यास खेल खेल्नेछ । अभ्यास खेलमा राम्रो प्रदर्शन गर्ने खेलाडीलाई विश्वकपमा परिक्षण गरिने छ ।
बाँकी भारतीय खेलाडीहरु मे २७ र मे २८ मा टी–२० विश्वकपका लागि अमेरिका प्रस्थान गर्ने बताइएको छ । आईपीएल क्वालिफायरका खेलहरू मे २० देखि खेलिनेछन् । यस सिजनको फाइनल यही मे २६ गते चेपौकमा हुने भएपनि वर्षाका कारण खेल हुन नसके रिजर्भ डेमा फाइनल खेलाइने छ ।
भारतीय टोलीले आयरल्यान्डविरुद्ध खेल्दै विश्वकपको यात्रा सुरु गर्नेछ । भारत र आयरल्याण्डबीचको खेल ५ जुनमा हुनेछ । यसपछि जुन ९ मा भारत र पाकिस्तानको टोली आमनेसामने हुनेछन् । दुई टोलीबीचको खेल न्युयोर्कमा हुनेछ । टी–२० विश्वकप २०२४ वेस्ट इन्डिज र अमेरिकाले आयोजना गर्दैछन् ।
