एजेन्सी । ओस्कार, गोल्डेन ग्लोब र एमीजस्ता प्रतिष्ठित अवार्ड जितिसकेकी अभिनेत्री शेरोन स्टोनले अचम्मको खुलासा गरेकी छन् । शेरोन स्टोन हलिउडको चर्चित नाम हो ।
उनको नाममा धेरै ब्लकबस्टर फिल्म छन् । ६६ वर्षकी शेरोन स्टोनले हालै १९९३ मा आएको फिल्म ‘स्लिभर’ को बारेमा कुरा गरेकी छिन् ।
शेरोन स्टोनले ‘स्लिभर’ को सुटिङका क्रममा निर्माताले आफूसँग अनुचित माग गरेको बताइन् । यो सुनेर उनी स्तब्ध भइन् । शेरोन स्टोनले मंगलबार लुइस थेरोक्स पोडकास्टको एक एपिसोडमा आफूसँग भएको यो घटना उल्लेख गरेकी थिइन् ।
बिली बाल्डविन सन् १९९३ को ‘स्लिभर’मा शेरोन स्टोनसँग मुख्य भूमिकामा थिए । फिल्मको सुटिङ चलिरहेको बेला निर्माताले शेरोन स्टोनलाई आफ्नो कार्यालयमा बोलाएर अभिनेता बिली बाल्डविनसँग शारीरिक सम्बन्ध राख्न दबाब दिएका थिए ।
शेरोन स्टोनको यो दावीमा बिली बाल्डविनले पनि प्रतिक्रिया दिएका छन् । अभिनेताले आफ्नो पक्षमा ट्वीट गर्दै भने, ‘के उनी अझै पनि मप्रति क्रस छिन् वा यति वर्षपछि पनि उनी दुखित छिन् किनभने मैले उनलाई बेवास्ता गरें ?’
‘स्लिभर’रोबर्ट इभान्स द्वारा निर्मित थियो । जसको सन् २०१९ मा ८९ वर्षको उमेरमा निधन भएको थियो । निर्माताका बारेमा कुरा गर्दै शेरोन स्टोनले फिल्म ‘स्लिभर’ को सुटिङका क्रममा आफू सेटमा आउने भनिए पनि निर्माताले आफूसँग कुरा गर्नका लागि आफ्नो कार्यालयमा बोलाएको बताइन् ।
शेरोन स्टोनले थप भनिन् कि निर्माताले उनलाई पर्दामा केमिस्ट्री बढाउन बिली बाल्डविनसँग एक रात बिताउन भने, किनभने अभिनेताले क्यामेरामा राम्रो प्रदर्शन गरिरहेका थिएन र निर्माता यसबाट चिन्तित थिए । उनले शेरोन स्टोन आफ्नो सहकलाकारसँग घनिष्ट भएमा छायांकनका क्रममा उनीहरुको केमेस्ट्री गजब हुने र फिल्मको सफलताका लागि त्यो आवश्यक रहेको निर्माताले चाहेको उनले बताइन् ।
२१ वर्षपछिको यो घटनालाई स्मरण गर्दै शेरोनले आफू अरु नायिका जस्तो नभएको बताइन् ।
