काठमाडौं । चार वेदलगायत संस्कृतका दर्जनौं ग्रन्थका अनुवादक समाजसेवी तिलकप्रसाद लुइटेलको ४५ औँ पुण्यतिथि पारेर शोकसभा गरिएको छ । दण्डपाणि अज्र्यालस्मृति केन्द्र काठमाडौं तथा हेड्स नेपालको संयुक्त आयोजनामा जुम प्रबिधि मार्फत शोकसभा गरिएको हो ।
कार्यक्रम दण्डपाणि अज्र्याल स्मृति केन्द्र काठमाडौँका अध्यक्ष बरिष्ठ इ. ईश्वरचन्द्र बानियाको सभापतित्वमा सम्पन्न भएको थियो । कार्यक्रममा कूटनीतिज्ञ प्रा. डा. जयराज आचार्य, जयतु संस्कृतमका अध्यक्ष डा. बद्री पोख्रेल, हेडस नेपालका प्रमुख संस्थापक प्रतापराज वन्त, सुसेली साहित्यिक मञ्चका अध्यक्ष दुर्गा अधिकारी भ्रमरकोटे, दण्डपाणि अज्र्याल स्मृतिकेन्द्रका कोष संस्थापक तथा साहित्यकारद्वय हरिहर अर्याल र राजेन्द्रप्रसाद अर्याल, स्मृतिकेन्द्रका उपाध्यक्ष मदन थापाले स्व. लुइटेलको जीवनी, व्यक्तित्व र कृतित्वबारे प्रकाश पार्नुभएको थियो ।
कार्यक्रममा न्यूयोर्क अमेरिका निवासी वरिष्ठ कवि कोमलप्रसाद भट्टले स्वर्गीय तिलकप्रसाद लुईटेलमा समर्पित शोक कविता वाचन गर्नुभएको थियो। भर्जिनिया अमेरिका निवासी सामाजिक अभियन्ता परशुराम भण्डारी, विश्व रक्तदाताका रूपमा परिचित अर्जुन मैनालीलगायतले मन्तव्य राख्नु भएको थियो ।
