काठमाडौँ । नारायणगढ-मुग्लिन सडकखण्डअन्तर्गत चितवनको इच्छाकामना गाउँपालिकामा त्रिशुली नदीमा बत्ती बलेको देखिएपछि गोताखोरको टोली परिचालन गरिएको छ ।
मुग्लिन प्रहरीका अनुसार मंगलबार बिहानै गोताखोरको टोली डुंगा लिएर त्रिशूली नदीमा प्रवेश गरेका छन् ।
प्रहरीका अनुसार नदीमा गाडी खसेको हुनसक्ने अनुमान छ । यद्यपि कुनै पुष्टि भने भइसकेको छैन ।
नदी किनारमा एउटा फलामको टुक्रा र भारतीय नम्बर प्लेट भेटिएको प्रहरीले जनाएको छ । तर, यो पहिलेको हो या अहिलेको हो भन्नेबारे यकिन हुन सकेको छैन ।
