काठमाडौं । कागेश्वरी तेक्वान्दो डोजाङका खेलाडीलाई शनिबार दोबोक (तेक्वान्दो खेल पोशाक) प्रदान गरिएको छ ।
सुमेरु ग्रुपका अध्यक्ष एवं नेपाल तेक्वान्दो संघका उपाध्यक्ष भरत महर्जनले करिब ५० खेलाडी र १ प्रशिक्षकलाई दोबोक एक कार्यक्रमबीच प्रदान गरे ।
गागलफेदीको राम जानकी मन्दिरमा भएको कार्यक्रममा करिब ३५ हजार रुपैयाँ बराबरको दोबोक वितरण गरिएको काठमाडौं जिल्ला तेक्वान्दो संघका अध्यक्ष अशोक खड्काले जनाएका छन् ।
एक महिनाअघि सञ्चालनमा आएको डोजाङमा प्रकाश श्रेष्ठले खेलाडीलाई प्रशिक्षण दिइरहेका छन् ।
