काठमाडौं। नेपालमा कोरोना संक्रमण बढ्न सक्ने अबस्था देखिएपछि स्वास्थ्य तथा जनसंख्या मन्त्रालयले भीडभाड हुने कार्यहरु नगर्न अनुरोध गरेको छ ।
मन्त्रालयले आइतबार विज्ञप्ति जारी गर्दै छिमेकी देशहरुमा कोरोनाको संक्रमण बढ्दो क्रममा रहेकाले नेपालमा पनि संक्रमण बढ्न सक्ने अबस्थालाई मध्यनजर गर्दै भीडभाड नगर्न अनुरोध गरेको हो । त्यसैले नेपालमा सभा, जुलुस, र्याली, भेला, गोष्ठी, जमघट, सेमिनार, बैठक, भीडभाड हुने व्यावसायिक कार्यहरु नगर्न मन्त्रालयले आग्रह गरेको छ ।
साथै सामाजिक र भौतिक दूरी कायम गरि मास्कको अनिवार्य प्रयोग तथा साबुनपानीले राम्रोसँग हात धुने, स्यानिटाइजरको प्रयोगलगायत जनस्वास्थ्यका मापदण्ड पालना गर्न प्रवक्ता डा. जागेश्वर गौतमले विज्ञप्ति निकालेर आग्रह गरेका छन् ।
