एजेन्सी । पोर्चुगिज क्लब एफसी पोर्टोले च्याम्पियन्स लिगको नकआउट चरणमा स्थान बनाएको छ ।
गएराति भएको समूह चरणको अन्तिम खेलमा टर्कीस क्लब साख्तार डोनेस्कलाई ५–३ गोलले पराजित गर्दै समूह उपविजेता बनेर अन्तिम १६ मा स्थान पक्का गरेको हो ।
यो खेलको विजेताले नकआउट चरणको टिकट काट्ने थियो । घरेलु मैदानमा पोर्टोलाई जित दिलाउन गालेनोले दुई तथा मेहदी तारेमी, पेपे र फ्रान्सिस्को कोन्सेइकाओले एक–एक गोल गरे ।
यस समूह एच बाट बार्सिलोना र पोर्टोले अन्तिम १६ मा स्थान बनाउँदा साख्तार र रोयल एन्टर्प भने समूह चरणबाटै बाहिरिए ।
