काठमाडौं । अन्तर्राष्ट्रिय मानव अधिकार दिवसका अबसरमा नेपाल मानव अधिकार संगठन उपत्यका ब्युरो काठमाडौँ जिल्ला शाखोले काठमाडौँको स्वयम्भू बुद्ध पार्कका दिप प्रज्वलन गरी मनाएको छ ।
“भविष्यमा मानव अधिकार संस्कृतिलाई एकीकृत र दिगो बनाउँदै लैजाऔं” भन्ने मुल नाराका साथ दिवस मनाईएको छ । कार्यक्रममा मानव अधिकार आयोगका पूर्व सदस्य कपिल श्रेष्ठ ,वरिष्ठ अधिवक्ता दिनेश त्रिपाठी लगायताले मानब अधिकारको बर्तमान अबस्थाबारे जानकारी गराउदै नागरिकको अधिकार प्रति राज्य उदाशिन भएको बताउनु भएको थियो ।
मानवअधिकार दिवस प्रत्येक वर्ष डिसेम्बर १० का दिन मनाइन्छ । अर्थात् मानव अधिकारको विश्वव्यापी घोषणापत्र जारी भएको दिन सन् १९४८ डिसेम्बर १० लाई आधार मानेर मनाउने गरिएको हो । सोही दिन विश्वव्यापी मानवअधिकारको घोषणा भएको संस्मरण गर्दै प्रत्येक वर्ष यो दिवस मनाइने गरिन्छ ।
