काठमाडौँ । प्रहरीले न्यूरोडस्थित अवैध सुन गाल्ने एक कारखानामा छापा मारेको छ ।
काठमाडौं उपत्यका अपराध अनुसन्धानको टोलीले गएराति कैलाली घर भई नागार्जुन बस्ने पदम पाण्डेले सञ्चालन गरेको पर्ल गोल्ड प्रालिमा छापा मारेको हो । प्रहरीले उक्त कारखानाबाट करिब ७ किलो अवैध सुन बरामद गरेको छ ।
सञ्चालक ४१ वर्षीया पाण्डेलाई पक्राउ गरेर सुन जोख्ने कार्य भइरहेको काठमाडौँ उपत्यका अपराध अनुसन्धान कार्यालयका एसपी रवीन्द्र रेग्मीले जानकारी दिए । सुन अनुमानित ७ किलो रहेको प्रहरी स्रोतले जनाएको छ ।
बरामद गरिएको सुनबारे भने अनुसन्धान भइरहेको प्रहरीको भनाइ छ ।
