भारतका दुई राज्यहरु मिजोरम र छत्तीसगढमा मंगलबार पहिलो चरणको मतदान सम्पन्न भएको छ ।
भारतीय संचार माध्यमहरुका अनुसार मिजोरममा ७७ प्रतिशत मतदान भएको छ भने छत्तीसगढमा ७० प्रतिशतले मतदान गरेका छन् ।
मिजोरमका राज्यका सबै ४० स्थानका लागि मतदान भएको छ । जबकी छत्तीसगढमा पहिलो चरणमा २० स्थानका लागि मतदान भएको छ । बाँकी ७० स्थानका लागि आगामी नोभेम्बर १७ मा चुनाव हुनेछ ।
मध्यप्रदेश, राजस्थान र तेलागांना राज्यमा पनि यसै नोभेम्बर महिनाको अन्त्यतिर राज्य सरकारका लागि निर्वाचन हुँदैछ ।
पाँचै राज्यको मतदान सम्पन्न भएपछि आगामी डिसेम्बर ३ मा मात्र मतगणना हुनेछ ।
