एजेन्सी । आईसीसी विश्वकप क्रिकेट २०२३ अन्तर्गत शनिबार इंग्ल्याण्ड र दक्षिण अफ्रिका भिड्दैछन् । मुम्बईको वानखेडे स्टेडियममा जारी खेलमा इंग्ल्याण्डले टस जितेर फिल्डिङ गरिरहेको छ ।
ब्याटिङमा उत्रिएको दक्षिण अफ्रिकाले ६ ओभरमा एक विकेट गुमाएर १८ रन बनाएको छ । ओपनर क्विन्टन डि कक पहिलो ओभरको दोस्रे बलमा आउट भए । पहिलो बलमा चौका प्रहार गर्दै सानदार सुरुवात गरेका डि कक दोस्रो बलमा विकेटकिपर जोस बटलरको हातमा थामिन पुगे ।
दक्षिण अफ्रिकाको प्लेइङ इलेभेन
रिजा हेन्ड्रिक्स, क्विन्टन डी कक(विकेटकिपर), रसी भान डेर डुसेन, एडेन मार्कराम(कप्तान), हेनरिक क्लासेन, डेभिड मिलर, मार्को जेन्सेन, कागिसो रबाडा, केशव महाराज, जेराल्ड कोएत्जी र लुंगी एनगिडी।
इंग्ल्याण्डको प्लेइङ इलेभेन
जोनी बेयरस्टो, डेविड मलान, जो रुट, बेन स्टोक्स, ह्यारी ब्रुक, जोस बटलर( कप्तान तथा विकेटकिपर) डेभिड विली, आदिल रशिद, गुस एटकिन्सन, मार्क वुड र रीस टोपले।
