काठमाडौ । एक अर्का प्रति आरोप प्रत्यारोपमा उभिएका नेकपा एमालेका अध्यक्ष केपी ओली र बरिष्ठ नेता नेपाल बुधबार साँझ नागपोखरीमा रहेको होटल मेरियटमा भेटवार्ता भयो ।
मेरियटको स्वीट रुम ९०१मा करिब दुईघण्टा भएको बार्तामा दुई शिर्ष नेता बीच लामो समय पछि असन्तुष्टिको पोका फुकाउने काम भएको छ । दिउसो बालुवाटारमा नेता योगेश भटराईसंग करिव दुईघण्टा छलफल गर्नुभएका प्रधानमन्त्री ओलीले पार्टीमा फर्कन चाहानेलाई ससम्मान स्वागत गर्ने जनाउ दिनु भएको थियो ।
आफू निटक भनिएकाहरु धमाधम ओली तीर फर्कने थालेपछि अप्ठारोमा पर्नुभएका नेता नेपालल भरसक ओलीलाई दवाब दिएर पार्टी नफुटाउने रणनीतिमा रहनु भएको थियो । बुधबारको भेटमा पनि दुबै पक्ष बाट भएका कमिकजोरीलाई वस्तुगत समिक्षा गर्ने र पार्टीलाई एक बनाउन पहल गर्ने बिषयमा नेताहरु बीच छलफल भएको जनाईएको छ ।
छलफललाई निरन्तरता दिने र यो बीचमा एक अर्का प्रति आरोप प्रत्यारोप नगर्ने तथा समानान्तर गतिबिधिलाई रोक्ने बिषयमा पनि छलफल भएको जनाईएको छ ।
